Экономика

Кәсіпкерлер себепсіз тексерістерді біржолата ұмытуы қажет – президент

© Sputnik / Владислав ВодневВо Дворце Независимости проходят последние приготовления к торжественной церемонии инаугурации
Во Дворце Независимости проходят последние приготовления к торжественной церемонии инаугурации - Sputnik Қазақстан, 1920, 26.11.2022
Жазылу
НовостиTelegram
АСТАНА, 26 қараша – Sputnik. Мемлекет басшысы Қасым-Жомарт Тоқаев шағын және орта бизнестің дамуына заңсыз кедергі келтіретіндер қатаң жауапқа тартылатынын мәлімдеді, деп хабарлайды Sputnik Қазақстан тілшісі.
"Басты міндет – іскер азаматтарымыздың кәсіпкерлік рухына зиянын тигізетін жасанды кедергілер мен шектеулердің бәрін жою. Кәсіпкерлер бизнеске жүргізілетін себепсіз тексерулерді біржолата ұмытуы қажет. Олар тек салық органдарының алдында ғана есеп береді", - деді Тоқаев Астанадағы Тәуелсіздік сарайында өткен ұлықтау рәсімінде.
Ол мемлекет пен бизнес – сенімді серіктестер екенін атап өтті.
"Шағын және орта бизнестің дамуына заңсыз кедергі келтіретіндердің бәрі заңға сәйкес қатаң жауапқа тартылады. Біз ауқымды индустрияландыруды, инфрақұрылымдарды салуды және жаңғыртуды қолға аламыз. Кең байтақ еліміздің әр өңірінің дамуына тың серпін беру маңызды", - деді президент.
Айтуынша, шынайы заң үстемдігі орнамай, әділетті әрі нарықтық экономиканы құру, жеке меншікті қорғау, бәсекелестікті дамыту, сыбайлас жемқорлықты жою мүмкін емес.
Сондықтан заң алдында бәрінің тең болуы – мемлекетіміздің ұзақ мерзімді дамуының негізгі шарты.
"Барлық мәселе, әсіресе түйткілді және даулы проблемалар конструктивті диалог арқылы, ең алдымен, парламентте шешілуге тиіс. Алдағы сенат және мәжіліс сайлауы осы мүмкіндікті береді", - деп сендірді Тоқаев.
Айта кетері, бүгін елордадағы тәуелсіздік сарайында жаңадан сайланған президент Қасым-Жомарт Тоқаевты ұлықтау рәсімі өтті. 20 қарашада өткен кезектен тыс президент сайлауында Тоқаев 81,31% дауыспен жеңіске жеткен болатын.
Доллар, иллюстративное фото - Sputnik Қазақстан, 1920, 26.11.2022
Экономика
Қазақстан заңсыз шығарылған капиталды елге қайтару туралы заң қабылдайды
Жаңалықтар
0