Білім

Оқушыларға отбасын құрметтеуді үйретеді - премьер тапсырмасы

© Sputnik / Тимур БатыршинОқушылар
Оқушылар - Sputnik Қазақстан, 1920, 18.10.2022
Жазылу
АСТАНА, 18 қазан – Sputnik. Премьер-министр Әлихан Смайылов мектеп оқушыларына отбасына құрмет пен үйдегі тәртіп ережелерін сіңіруді тапсырды, деп хабарлайды Sputnik Қазақстан тілшісі.
Смайыловтың айтуынша, тұрмыстық зорлық-зомбылыққа төзбеу және отбасылық құндылықтарды дәріптеу бойынша ақпарат науқанын жүргізу қажет.
"Оқу-ағарту министрлігі балалардың бойына отбасына құрмет және үйдегі тәртіп ережелерін сіңіру үшін "мектеп сағатын" ойластырсын", - деді Смайылов үкімет отырысында.
Ол зорлық-зомбылықтан зардап шеккен адамдарды оңалту мәселесіне көңіл бөлу керек екенін атап өтті.
Премьердің айтуынша, оларға тек медициналық қана емес, білікті мамандардың психологиялық, құқықтық көмегі де қажет. Өңірлерде тұрмыстық зорлық-зомбылық құрбандарына арналған дағдарыс және уақытша бейімдеу орталықтары жетіспейді. Осыған байланысты Смайылов әкімдіктерге олардың санын көбейтуді, мәжбүрлеп емдеуге арналған наркологиялық мекемелер желісін кеңейту шараларын қабылдауды тапсырды.
Сонымен қатар, халықаралық тәжірибені ескере отырып, құқықбұзушыларға психологиялық терапия шараларын қолдану бойынша ұсыныстар әзірлеу қажеттігін айтты.
На территории ЭКСПО-2017 открыт отдел полиции УВД района Есиль - Sputnik Қазақстан, 1920, 18.10.2022
Қоғам
Қазақстанда мас адамдарды айықтыратын орындар өте аз – министр
Жаңалықтар
0