Өңірлер

Қостанай облысындағы орман өрті елдің азық-түлік қауіпсіздігіне әсер етпейді – АШМ

© Sputnik / Виталий Тимкив / Медиабанкке өтуАрхивтегі сурет
Архивтегі сурет - Sputnik Қазақстан, 1920, 05.09.2022
Жазылу
НҰР-СҰЛТАН, 5 қыркүйек – Sputnik. Соңғы деректер бойынша, Қостанай облысында ауыл шаруашылығы дақылдарының алқаптары жаппай өртенген жоқ. Орман өрті салдарынан аз ғана учаске зардап шекті, деп хабарлайды ауыл шаруашылығы министрлігі.
Атап айтқанда, Қарабалық ауданында 15 га дәнді және 2 га аумақта зығыр дақылдары өртенді. Меңдіқара ауданында 1 га астық жинау алқабы жойылды. Осылайша, Қостанай өңіріндегі жалпы егіс алаңының 0,1%-тен аз көлемі зардап шекті, ал өңірдегі егістіктің жалпы аумағы 5,3 млн га құрайды.
"Ауыл шаруашылығы министрлігі Қостанай облысындағы табиғи апат Қазақстанның азық-түлік қауіпсіздігіне, өнімнің болжанған көлеміне, сондай-ақ, экспорттық уағдаластықтардың орындалуына ешқандай кері әсерін тигізбейтінін мәлімдейді", - делінген хабарламада.
3 қыркүйектегі жағдай бойынша өңірде 1,8 млн га немесе егіс алаңының 45,3%-і, 1,8 млн тонна дәнді және дәнді-бұршақты дақылдар жиналды.
Жалпы облыстың шаруалары биыл 3,9 млн га дәнді және дәнді-бұршақты, 3,5 млн га бидай және 749,1 мың га майлы дақыл отырғызған болатын.
Айта кетері, астық дақылдары бойынша егін жинау жұмыстары республиканың барлық өңірінде белсенді жүргізіліп жатыр. Бүгінгі таңда диқандар 7 млн га дәнді дақыл жинады (немесе барлық астық көлемінің 43,7%), 12,2 ц/га орташа өнімділікпен 8,6 млн тонна астық бастырылды (2021 жылы ұқсас кезеңімен салыстырғанда орташа өнімділік 7,8 ц/га құрады).
Қостанай облысындағы өрт салдары - Sputnik Қазақстан, 1920, 05.09.2022
Өңірлер
Қостанай облысындағы өрт: министрлік қырылған мал санын жариялады
Жаңалықтар
0