Қоғам

Тоқаев Конституция күнімен құттықтады

Қасым-Жомарт Тоқаев  - Sputnik Қазақстан, 1920, 30.08.2022
Жазылу
НовостиTelegram
Президент отандастарды реформаларды іске асыруға белсене қатысып, мемлекеттің дамуына үлес қосуға шақырды
НҰР-СҰЛТАН, 30 тамыз – Sputnik. Мемлекет басшысы Қасым-Жомарт Тоқаев қазақстандықтарды Конституция күнімен құттықтады, деп хабарлайды Ақорда.
"Биыл бұл мейрам айрықша саяси мәнге ие болып отыр. Ата заңға өзгерістер енгізу жөніндегі жалпыұлттық референдумның нәтижесі халқымыздың бірлігін және елімізді жан-жақты жаңғыртуға бағытталған ауқымды реформалардың барынша қолдау тапқанын көрсетті.
Біз заң үстемдігі, әділдік және жалпыға бірдей мүмкіндік қағидаттарын ұстанып, Жаңа Қазақстанды құруға кірістік. Еліміздің әрбір жауапты азаматының реформаларды іске асыруға белсене қатысып, мемлекетіміздің дамуына үлес қосатын кезі келді", - деп жазды президент.
Тоқаев Конституцияда белгіленген демократия құндылықтары, азаматтардың құқықтары мен бостандықтарының кепілдіктері Қазақстан Республикасы дамуының нақты стратегиялық бағдарын айқындайтынын атап өтті.
Қолға алынып жатқан өзгерістердің басты міндеті – халықтың әл-ауқатын арттыру, мемлекеттілігімізді мейлінше нығайту және қоғамды үйлесімді дамыту. Бұл міндеттерді орындауға еліміздің әрбір азаматы атсалысуы қажет, деп жалғастырды мемлекет басшысы.
Президент барша қазақстандыққа шын жүректен зор денсаулық, бақ-береке, Отанымыздың игілігі жолындағы барлық мақсатқа жете беруді тіледі.
Қазақстан Конституциясы  - Sputnik Қазақстан, 1920, 30.08.2022
Қоғам
Қазақстандықтар Конституция күнін атап өтіп жатыр
Жаңалықтар
0