Ұзынағаштағы атысқа қатысы бар күдіктілерге іздеу жарияланды
11:20 10.08.2022 (жаңартылды: 11:28 10.08.2022)
© Photo : Рixabay/Skitterphoto
Жазылу
Атыс салдарынан үш адам жансақтау бөліміне түсті, біреуі көз жұмды
АЛМАТЫ, 10 тамыз – Sputnik. Алматы облысына қарасты Ұзынағаш ауылында болған атысқа күдікті азаматтардың суретін жарияланып, оларға іздеу жарияланды, деп жазды Polisia.kz ақпараттық порталы.
Еске салсақ, Ұзынағаш ауылында тапа-тал түсте атыс болып, салдарынан бір адам қайтыс болған еді. Енді жас жас жігіттің өліміне қатысы бар деген күдіктілерге соттың санкциясымен іздеу жарияланды.
Алматы облысы полиция департаменті:
Козыбаев Гани Муратұлы – 31 жаста, ҚР ҚК-нің 99-бабы 2-бөлігі 1,7,9-тармақтары (Адам өлтіру) және 293-бабы 3-бөлігі 2-тармағы (Бұзақылық) бойынша аса ауыр қылмыс жасады деген күдік бойынша;
Аскар Жаныбекұлы Тыныштыков – 30 жаста, ҚР ҚК-нің 24-бабы 3-бөлігі (Қылмысқа дайындалу және қылмысқа оқталу) және 99-бабы 2-бөлігі 1,7,9-тармақтары (Адам өлтіру), 293-бабы 3-бөлігі 2- тармағы (Бұзақылық) бойынша аса ауыр қылмыстар жасады деген күдік бойынша;
Серікбол Мұратбекұлы Шөкенов – 30 жаста, ҚР ҚК-нің 293-бабы 3-бөлігі 2- тармағы (Бұзақылық) бойынша қылмыс жасады деген күдік бойынша;
Нурсултан Бахтиярулы Аукенов – 30 жаста, ҚР ҚК-нің 293-бабы 3-бөлігі 2-тармағы (Бұзақылық) бойынша аса ауыр қылмыс жасады деген күдік бойынша іздеу жариялады.
"Назар аударыңыз! Іздеу! Алматы облысының полициясы іздестірілуші туралы мәліметтері бар барлық адамдарға келесі телефондар бойынша хабарлауыңызды сұрайды: +7 701 500 08 47, +7 700 200 07 88, +7 702 717 77 17, +7 707 738 78 78, +7 72770 2 26 02 немесе 102", – деп қосты ведомство.
Полиция Ұзынағаштағы атысқа қаитысы бар күдіктілерге іздеу жариялады
© Photo : Polisia.kz
Естеріңізге сала кетейік, Алматы облысында Ұзынағаш ауылында тапа-тал түсте атыс болды. Үш адам жансақтау бөліміне түсті, біреуі көз жұмды.
Ресми мәліметке сәйкес, 4 тамыз күні Ұзынағаш ауылының спорт кешені алдында бір топ жігіт жанжалдасып қалды. Кикілжіңнің арты атысқа ұласқан.
