Алматы облысында жол апатынан бес адам қаза тауып, үш адам жарақат алды

© Sputnik / СтрингерАрхивтегі фото
Архивтегі фото - Sputnik Қазақстан, 1920, 08.08.2022
Жазылу
НовостиTelegram
ТАЛДЫҚОРҒАН, 8 тамыз – Sputnik. Алматы облысында екі көлік соқтығысып, бес адам қаза тауып, үш кәмелетке толмаған бала зардап шекті.
Әлеуметтік желіде Алматы – Шонжы тасжолында жантүршігерлік жол апаты болған жерде түсірілген видео тарап кетті. Жазба авторының айтуынша, апат көліктердің бетпе-бет соқтығысуы салдарынан болған.
Алматы облысының полициясы 6 тамыз күні кешкі сағат 20:40 шамасында Еңбекшіқазақ ауданында Audi және Renault көліктері соқтығысқанын хабарлады. Audi көлігінің 22 жастағы жүргізушісі Алматы – Көкпек – Көктал автожолымен шығыс бағытта келе жатып, рөлді басқара алмай, жолдың қарсы бетіне шығып кеткен.
"Оқиға орнында бес адам қаза тапты. Түрлі дене жарақатымен үш кәмелетке толмаған бала Шелек ауылындағы ауруханаға жатқызылды. Осы факті бойынша Еңбекшіқазақ аудандық полиция бөлімі Қазақстан Қылмыстық кодексінің 345-бабы 4-бөлігімен қылмыстық іс қозғап, барлық қажетті сараптаманы тағайындады", - деп хабарлады облыстық полицияның баспасөз қызметі.
Карета скорой помощи на дороге столицы - Sputnik Қазақстан, 1920, 18.07.2022
Оқиға
Оралда жантүршігерлік жол апаты болды: 8 адам көз жұмды
Жаңалықтар
0