Тоқаев Жапония премьер-министріне көңіл айтты

© Sputnik / Владислав ВодневАқорда ғимараты
Ақорда ғимараты - Sputnik Қазақстан, 1920, 08.07.2022
Жазылу
НҰР-СҰЛТАН, 8 шілде – Sputnik. Президент Қасым-Жомарт Тоқаев Жапония премьер-министрі Фумио Кишидаға көңіл айту жеделхатын жолдады, деп хабарлады БОРТ 1 Telegram каналы.
Мемлекет басшысы Қасым-Жомарт Тоқаев Жапонияның бұрынғы Премьер-министрі Синдзо Абэнің қастандық әрекет салдарынан қаза болғаны туралы суыт хабарды терең күйзеліспен қабылдады.
"Әлем жұртшылығы Синдзо Абэні елінің дамуы мен баянды болашағы үшін ұзақ жылдар бойы қажырлы қызмет еткен көрнекті саясаткер, халықаралық тұрақтылық пен қауіпсіздікті нығайтуға сүбелі үлес қосқан парасатты көшбасшы деп біледі.
Синдзо Абэнің жарқын бейнесі Қазақстан халқының жадында қазақ-жапон арасындағы достық пен сенімді бекемдей түскен тұлға, сан қырлы ынтымақтастықты нығайтуға зор еңбек сіңірген мемлекет қайраткері ретінде мәңгі сақталады", – делінген жеделхатта.
Президент Қазақстан халқының және жеке өз атынан марқұмның отбасы мен туған-туыстарына, сондай-ақ барша отандасына қайғыра көңіл айтты.
Жапонияның бұрынғы премьер-министрі Синдзо Абэ - Sputnik Қазақстан, 1920, 08.07.2022
Жапонияның экс-премьеріне қастандық жасалды: Абэ ауруханада көз жұмды – ТВ
Жаңалықтар
0