https://sputnik.kz/20220503/shymkent-koshe-kameralary-qiratqan-kudiktiler-ustaldy-24613041.html

Шымкентте көлік төбесіне шығып, көше камераларын қиратқан күдіктілер ұсталды

Шымкентте көлік төбесіне шығып, көше камераларын қиратқан күдіктілер ұсталды

Sputnik Қазақстан

Заманауи цифрлық технологиялардың көмегімен бейнежазбалар қалпына келтірілді 03.05.2022, Sputnik Қазақстан

2022-05-03T14:51+0500

2022-05-03T14:51+0500

2022-05-23T14:15+0500

шымкент

көше

бейнекамера

қаңтар оқиғасы

https://sputnik.kz/img/1416/92/14169267_0:79:3363:1970_1920x0_80_0_0_04260d61f8caff88b14a3b37b9f87e8f.jpg

НҰР-СҰЛТАН, 3 мамыр – Sputnik. Шымкентте екі күдікті қаңтар оқиғасы кезінде көше камераларын қиратқан. Қазіргі таңда цифрлық технологиялардың көмегімен бейнежазбалар қалпына келтірілді. Бұл туралы Бас прокуратураның 1 қызмет бастығының орынбасары Елдос Қилымжанов мәлімдеді, деп хабарлайды Sputnik Қазақстан тілшісі.6 қаңтарда "Газель" автокөлігімен қала ішінде жүріп, Шымкент полиция департаменті жедел басқару орталығының бейнебақылау камераларын қиратқан екі күдікті ұсталды."Камералардың зақымдануы полицияның қоғамдық тәртіпті сақтау бойынша жұмысын қиындатты, мемлекеттік нысандарға шабуыл жасаған қылмыскерлерге назардан тыс қалуға мүмкіндік берді", - деді Қилымжанов.Айтуынша, қазіргі таңда заманауи цифрлық технологиялардың көмегімен бейнежазбалар қалпына келтірілген.Камералар қалпына келгенге дейін "Газель" жүргізушісі кінәсін мойындамаған. Алайда бейнежазбадан ер адамның көлік төбесіне шығып, камераларды істен шығарғаны анық көрінеді.Бұған дейін Бас прокуратура қаңтар оқиғасы бойынша 288 қылмыстық іс сотқа жолданғанын хабарлады.Жалпы республикада жаппай тәртіпсіздіктерді ұйымдастырғаны және оған қатысқаны үшін 721 адам күдікті деп танылған. Оның ішінде 281-і қамауға алынды.

https://sputnik.kz/20220503/qantar-oqigasy-qyzylorda-sarbaz-24612085.html

шымкент

2022

Жаңалықтар

kk_KK

шымкент, көше, бейнекамера