Әлем

Қытайда коронавирус қайта өршіді: қалалар карантинге жабылып жатыр

Қытай - Sputnik Қазақстан, 1920, 13.03.2022
Жазылу
Yandex newsTelegram
Коронавирус жұқтырғандардың басым бөлігінде ауру белгілері байқалмайды
НҰР-СҰЛТАН, 13 наурыз – Sputnik. Қытайда осымен үшінші тәулік қатарынан коронавирустың күрт өсуі байқалып отыр.
Қытайлық БАҚ-тың ақпаратынша, соңғы күндері құрлықтық Қытайда коронавирус жұқтырған адамдар саны көбейген. Көбісінде ауру симптомдары жоқ.
Коронавирус жұқтырудың жоғары тәуліктік көрсеткіші 2020 жылдың басында ауру алғаш тіркелген кездегі көрсеткіштен асып түскен.
COVID-19 таралу ошағы кем дегенде Қытайдың 17 провинциясында, автономды аудандары мен орталыққа бағынатын қалаларында тіркелді. Олардың арасында Бейжің, Шанхай және Гуанчжоу бар.
9 миллион халқы бар Чанчунь қаласында толық оқшаулау режимі енгізілді. Барлық білім беру мекемесі, сауда орындары мен қоғамдық мекемелер жабылды. Кейбір супермаркеттер мен дәріханалар ғана ашық. Қалалық қоғамдық көлік жұмысы толығымен тоқтаған.
ҚХР мемлекеттік денсаулық сақтау істері комитетінің мәліметінше, өткен тәулікте құрлықтық Қытайда 476 адамның вирус жұқтырғаны расталды. 1 048 симптомсыз ауру жағдайы тіркелді.
Аурухана - Sputnik Қазақстан, 1920, 13.03.2022
Денсаулық
Қазақстанда коронавирус жұқтырғандар саны күн сайын азайып келеді
Жаңалықтар
0