Елорда тынысы

Елордада жастарға қызмет көрсету орталығы ашылды

© Sputnik / Абзал КалиевЖастар, архивтегі сурет
Жастар, архивтегі сурет - Sputnik Қазақстан, 1920, 13.03.2022
Жазылу
Кәсібін енді бастаған жастар "Бастау бизнес" бағдарламасы аясында 1,2 млн теңге грант ала алады
НҰР-СҰЛТАН, 13 наурыз – Sputnik. Нұр-Сұлтан қаласы жастар саясаты мәселелері басқармасы жастарға қызмет көрсету орталығын ашты.
Орталық Байқоңыр ауданында орналасқан, деп хабарлайды елорда әкімдігінің ресми сайты.
Бұл орталықта 14-29 жас аралығындағы жастар мынадай мәселелер бойынша кеңес ала алады:
кәсіптік бағдарлау және жұмысқа орналастыру;
волонтерлерді қабылдау;
тұрғын үй бойынша мемлекеттік бағдарламалар;
жастар бастамаларын қолдау (бизнес ашу, іс-шаралар ұйымдастыру, жобаларды қолдау);
бос уақытын пайдалы әрі тегін өткізу (спорттық секциялар және шығармашылық үйірмелер).
"Қала әкімі Алтай Көлгіновтің тапсырмасымен жастарға қызмет көрсету орталығын ашып отырмыз. Мұндай орталықтар жастарымызды қолдауға арналған қандай бағдарламалар мен жобалар іске асырылып жатқанын білуі үшін қажет. Осы бағытта біздің орталықта "Астана жастары" орталығының, халықты жұмыспен қамту орталығының және "Отбасы банк" қызметкерлері тікелей жұмыс істейді", - деді қалалық жастар саясаты мәселелері басқармасының басшысы Қайрат Қамбаров.
Орталық күн сайын дүйсенбі мен жұма аралығында таңғы 9-дан кешкі 6-ға дейін істейді.
Алматы, архивтегі фото - Sputnik Қазақстан, 1920, 10.03.2022
Басқа өңірден келген жұмысшы жастарға баспана жалдау үшін көтерме жәрдемақы төленеді
Нұр-Сұлтан қаласы әкімдігі халықты жұмыспен қамту орталығының директоры Азамат Байтасовтың айтуынша, орталықта кәсіби бағдар беру бойынша қызмет көрсетіліп қана қоймай, өз ісін ашу үшін гранттар беріледі.
"Біз мамандығы жоқ адамдарды қайта даярлау курстарына жібереміз. Оқу тегін, ал мерзімі – үш ай. Содан кейін жастарға жұмысқа орналасуына мүмкіндік беретін мемлекеттік сертификат беріледі. Оқу кезінде оларға ай сайын 21 700 теңге стипендия төленеді. Сол сияқты кәсібін енді бастап жатқан кәсіпкерлер "Бастау бизнес" бағдарламасы аясында 1 миллион 225 мың теңге грант ала алады", - деді Байтасов.
Айта кетері, жастарға қызмет көрсету орталықтары елорданың барлық ауданында жұмыс істейді.
Жаңалықтар
0