Қоғам

Абаев туризм министрлігін құруға қатысты пікір білдірді

© Sputnik / Владислав ВодневДаурен Абаев
Даурен Абаев  - Sputnik Қазақстан, 1920, 22.02.2022
Жазылу
Yandex newsTelegram
Оның айтуынша, мәдениет, спорт пен туризм бір-бірімен тығыз байланысты
НҰР-СҰЛТАН, 22 ақпан – Sputnik. Мәдениет және спорт министрі Дәурен Абаев туризм саласы бойынша бөлек министрлікті құруға қатысты өз ойын айтты, деп хабарлайды Sputnik Қазақстан тілшісі.
Бүгін мәдениет және спорт министрлігінің туризм саласы бойынша кеңейтілген алқа мәжілісі өтті.
Мәжілісте "Туристік Қамқор" корпоративтік қорының директоры Инна Рей туризм министрлігін құруды ұсынды.
"Мүмкіндік болса, бөлек министрлік құру мәселесіне қайта оралғанымыз дұрыс деп ойлаймын. Көрші өзбектерге қарасақ, олар үнемі бізден озып отырады. Біз де бәрін бір жерге жинауымыз керек. Өйткені мәденит, туризм мен спорт сияқты әртүрлі салалардың мәселесін бір уақытта шешіп отыру қиын. Сонда біздің мәселеміз бірінші кезекте шешіледі", - деді Рей.
Министр Дәурен Абаев қор директорымен келіскен жоқ. Оның айтуынша, мәдениет, спорт пен туризм бір-бірімен тығыз байланысты.
"Біз, керісінше, туризмді дамыту үшін мәдениет пен спорт саласының мүмкіндіктерін барынша пайдалануымыз керек. Мысалы, бізде мәдениет комитеті салатын визит-орталықтар бар, сосын туризм комитеті салып жүрген визит-орталықтар бар. Бұрын олардың арасында байланыс болмаған. Қазір бірлесіп салады. Былайша айтқанда, мәдениет бар жерге турист келуі керек. Сол сияқты спорттық шараларды да пайдалану қажет. Мысалы, туристер келгенде оларға бірден спорттық және мәдени шаралар пакетін ұсынған дұрыс", - деп атап өтті Абаев.
жол - Sputnik Қазақстан, 1920, 22.02.2022
Қоғам
"Бізде ештеңе жоқ!": велосаяхатшы мен министр дауласып қала жаздады – видео
Жаңалықтар
0