Өңірлер

"Күтуші баланы салқын бөлмеде ұстады": Павлодардағы жанжалдың жалғасы

© Photo : Esi GrünhagenОйнап отырған бала
Ойнап отырған бала - Sputnik Қазақстан, 1920, 21.02.2022
Жазылу
Бұған дейін ата-аналардың біреуі жеке меншік балабақша қызметкерлерінің әрекетіне арызданды
НҰР-СҰЛТАН, 21 ақпан – Sputnik. Павлодар қаласындағы Zerek Bala балабақшасының басшылығы кішкентай қыздың киімсіз салқын бөлмеде қалғаны туралы ақпаратты жоққа шығарды.
Бұған дейін ата-аналардың біреуі жеке меншік балабақша қызметкерлерінің әрекетіне арызданды. Оның айтуынша, тәрбиеші мен күтуші екі жасқа толмаған қызын салқын бөлмеге қамап тастаған. Бала сол жерде 42 минут отырды деген болатын. Ал балабақша қызметкерелір түскі асын ішкен. Осы жанжалдан кейін күтуші жұмыстан шығарылды. Ал аяғы ауыр тәрбиешіге сөгіс жарияланған болатын. Артынан ол өзі арыз жазып, жұмыстан шығып кетті.
Алайда бейне жазбаларды қарау кезінде келіншек айтқан фактілер расталмады. Ол видеоның бір бөлігін ғана алып, таратып жіберген.
"Баланы қабылдау бөлмесіне кіргізген. Оның есігі жабылмайды. Одан кейін ол қыз кадрға түскен жоқ. Себебі ата-анасы арғы жағынан алып кетті. Ешқандай арыз айтқан жоқ. Ол күні баланың ас қорытуы бұзылды. Дәретханаға барып келді. Ал ата-анасы видеоны көріп шығуды сұрады. Баланың денсаулығы балабақша кесірінен бұзылмағанына көз жеткіземін деді. Сол кезде видеоға түсіріп алып, желіге салып жіберді", - дейді балабақшаның өкілі.
Мамандар барлық бейнежазбаны көріп шықты. Балаға ешкім тиіскен жоқ. Дәретханадан кейін жуындырып, ата-анасына тапсырған. Күтуші оны қабылдау бөлмесіне кіргізді. Ал тәрбиеші киімін алып келді.
"Бізде сыртқы бақылау камералары да бар. Содан ата-анасы қызды алып, тып-тыныш кеткенін анық көруге болады. Барлық видео полицияға тапсырылды", - деді балабақша мамандары.
Білім бөлімі де бейнежазбаларды көріп шыққан. Ешқандай тәртіпбұзушылықтар анықталған жоқ екені хабарланды.
Руки мужчины на стекле, иллюстративное фото - Sputnik Қазақстан, 1920, 30.12.2021
Өңірлер
Балабақшада таяқ жеген баланың әкесі: көзге жас алмай айта алмайсың
Жаңалықтар
0