https://sputnik.kz/20220214/gruziya-kolik-apat-foto-22777672.html

Грузиядан көлік әкеле жатқан үш бірдей автотасығыш жол апатына түсті - фото

Грузиядан көлік әкеле жатқан үш бірдей автотасығыш жол апатына түсті - фото

Sputnik Қазақстан

Жол апаты 13 ақпан күні сағат 11:00 кезінде болған 14.02.2022, Sputnik Қазақстан

2022-02-14T15:24+0500

2022-02-14T15:24+0500

2022-02-14T15:24+0500

оқиға

грузия

көлік

https://sputnik.kz/img/07e4/0c/19/15846699_1:0:3000:1687_1920x0_80_0_0_f6428e44b8e2c29a664e4398b220c62c.jpg

НҰР-СҰЛТАН, 14 ақпан – Sputnik. Ақтөбе облысында төрт жүк көлігі соқтығысып қалды. Үшеуі мінілген көліктерді Грузиядан Алматыға апара жатқан, деп хабарлайды Sputnik Қазақстан облыстық полиция департаментіне сілтеме жасап.Ресми мәліметке сәйкес, жол апаты 13 ақпан күні сағат 11:00 кезінде "Самара-Шымкент" тасжолында болған. Грузия азаматтары мінген "Рено" маркалы автотасығыштар колоннамен келе жатқан. Тасжолдың 619 шақырымында соңғысы арақашықтықты сақтай алмай, алдындағы көлікті соққан. Ол болса, колоннаның басындағы "Рено"-ны қаққан. Біреуі жолдың қарсы бетіне шығып, "Мерседес" маркалы жүк көлігімен соқтығысқан."Жол апаты салдарынан "Мерседес" маркалы жүк көлігінің жүргізушісі түрлі дене жарақатымен Хромтау қаласының орталық ауруханасына жатқызылды. Қазіргі кезде тергеу шаралары басталды", - дейді полицейлер. Айта кетері, сол күні Ақтөбе облысында тағы бір жол апаты болған. ВАЗ маркалы жеңіл көлік қақ ортасынан бөлініп кетті. Бірақ көлік жүргізушісі дін аман, ауруханаға да түспеген. Полиция департаменті оқиға орнында түсірілген видеоны таратты.

грузия

2022

Жаңалықтар

kk_KK

грузия, көлік