Экономика

Қазақстан Үндістанға тауардың 80 түрін экспорттауға дайын – Тоқаев

© Sputnik / Руслан Кривобок / Фотобанкке өтуАрхивное фото фуры на трассе
Архивное фото фуры на трассе - Sputnik Қазақстан, 1920, 27.01.2022
Жазылу
Yandex newsTelegram
Үндістанның сыртқы сауда айналымындағы Орталық Азия елдерінің үлесі әзірге бір процентке де жетпейді
НҰР-СҰЛТАН, 27 қаңтар – Sputnik. Мемлекет басшысы Қасым-Жомарт Тоқаев Қазақстанның Үндістанға тауардың 80 түрін экспорттауға дайын екенін мәлімдеді, деп хабарлайды Sputnik Қазақстан.
"Үндістан сауда және индустрия министрлері деңгейінде сауда-экономикалық платформаны құруға бастамашы болып отыр. Біз осы бастаманы қолдаймыз. Ол алаңға әзірленген ұсыныстарды нақты бағдарламалар мен жобаларға айналдыруға болатын еді. Біз 610 миллион долларға тауардың 80 тізімін дайындап қойдық. Соның бәрін Үндістанға жақын арада жібере аламыз", - деді Тоқаев "Орталық Азия - Үндістан" атты алғашқы онлайн-саммитте.
Сондай-ақ президент Үндістанның Қазақстанға экспортын кеңейтуге мүдделі екенін мәлімдеді. Осыған байланысты әрбір елдің артықшылықтарын ескере отырып, сауда байланыстарын арттыру жоспарын әзірлеуді ұсынды.
Мемлекет басшысы Орталық Азия елдері Үндістанмен арадағы сауда-саттықты барынша арттыру қажеттігін жеткізді. Себебі қазіргі кезде барлық елдің үлесі бір процентке де жетпейді.
Саммит кезінде Қазақстан президенті Орталық Азия мен Үндістанның аймақаралық көліктік-логистикалық консорциумын құруды ұсынды.
Оқи отырыңыз: Президент Орталық Азия елдеріне Үндістанмен көлік бірлестігін құруды ұсынды 
Жаңалықтар
0