Қоғам

Жемқорлыққа қарсы іс-қимыл агенттігінің басшысы қанша жалақы алатынын айтты

© Sputnik / Абзал КалиевПортмоне с деньгами
Портмоне с деньгами - Sputnik Қазақстан, 1920, 09.12.2021
Жазылу
Журналистер Ахметжановтан айлығы қанша екенін сұрады. Шенеунік сұрақтан жалтарған жоқ
НҰР-СҰЛТАН, 9 желтоқсан – Sputnik. Сыбайлас жемқорлыққа қарсы іс-қимыл агенттігінің төрағасы Марат Ахметжанов ай сайынғы жалақысын атады, деп хабарлайды Sputnik Қазақстан тілшісі.
Орталық коммуникациялар қызметінде өткен брифингте журналистер Ахметжановтан айлығы қанша екенін сұрады.
"Жасыратын ештеңе жоқ, мен оны осы қызметке келген кезде айтқанмын. Бүгінгі таңда менің жалақым –  1 миллион 200 мың теңге", - деп жауап берді ол.
Еске салсақ, бұған дейін бірқатар қазақстандық шенеунік ай сайынғы жалақысын атады.
Мәселен, Түркістан облысының әкімі Өмірзақ Шөкеев ай сайын 1 миллион 900 мың теңге, Қызылорда облысының басшысы Гүлшара Әбдіқалықова 1,8 миллион теңге табады. Ал Атырау облысының әкімі Махамбет Досмұхамбетовтің айлығы – 1 миллион 954 мың теңге.
Денсаулық сақтау министрі Алексей Цой шамамен 900 мың теңге жалақы алады.
Оқи отырыңыз: Министр Цой қанша жалақы алатынын айтты
 
Жаңалықтар
0