Қоғам

Назарбаев Дәулет Сембаевтың отбасына көңіл айтты

© Фотохост-агентство / Фотобанкке өтуНұрсұлтан Назарбаев, архивтегі сурет
Нұрсұлтан Назарбаев, архивтегі сурет - Sputnik Қазақстан, 1920, 15.11.2021
Жазылу
Yandex newsTelegram
Елбасы Сембаев білім-білігімен және қажырлы еңбегімен елдің өсіп-өркендеуіне аянбай атсалысып, көптің зор құрметіне бөленгенін атап өтті

НҰР-СҰЛТАН, 15 қараша – Sputnik. Қазақстанның тұңғыш президенті Нұрсұлтан Назарбаев белгілі мемлекет және қоғам қайраткері, Ұлттық банктің бұрынғы басшысы Дәулет Сембаевтың қайтыс болуына байланысты оның отбасына көңіл айту жеделхатын жолдады, деп хабарлайды Елбасы сайты.

Назарбаев көрнекті қаржыгер Дәулет Сембаевтың өмірден өтуіне байланысты ауыр қайғыға ортақтасып, көңіл айтты.

CC BY-SA 4.0 / Wikipedia / Белгілі қаржыгер Дәулет Сембаев
Назарбаев Дәулет Сембаевтың отбасына көңіл айтты - Sputnik Қазақстан, 1920, 15.11.2021
Белгілі қаржыгер Дәулет Сембаев

"Саналы ғұмырын отандық қаржы саласын дамытуға арнаған Дәулет Хамитұлы тәуелсіз Қазақстанның зейнетақы жүйесін реформалауға, ұлттық валютамыз – теңгенің енгізілуіне елеулі үлес қосқан қайраткер тұлға болатын. Ол көптеген жауапты қызметтерді абыроймен атқарды. Премьер-министрдің бірінші орынбасары, Ұлттық банк төрағасы, парламент сенатының депутаты болды. Білім-білігімен және қажырлы еңбегімен еліміздің өсіп-өркендеуіне аянбай атсалысып, көптің зор құрметіне бөленді", – делінген жеделхатта. 

Елбасы Дәулет Сембаевтың  жарқын бейнесі жұртшылық жадында әрдайым сақталатынына сенім білдірді.

Белгілі қазақстандық қаржыгер, Ұлттық банктің бұрынғы басшысы Дәулет Сембаев 87 жасына қараған шағында қайтыс болды.

Дәулет Сембаев Ұлттық банкті басқарған жылдары Қазақстанда ұлттық валюта – теңгені енгізді.

Қазақстанда ұлттық валюта күні және қаржыгерлер күні 15 қарашада аталып өтеді.

Жаңалықтар
0