Өңірлер

Ақтауда оқушы мектеп дәретханасында соққыға жығылды: кінәлілер қалай жазаланады

CC0 / Wokandapix / Подросток за забором, архивное фото
Подросток за забором, архивное фото - Sputnik Қазақстан, 1920, 14.11.2021
Жазылу
Ақтауда 9-сынып оқушысы мектеп дәретханасындағы төбелестен кейін ауруханаға түскен болатын

НҰР-СҰЛТАН, 14 қараша – Sputnik. Ақтауда жасөспірімді соққыға жыққандардың жеке басы анықталып жатыр, деп хабарлады Маңғыстау облыстық полиция департаменті.

"Олардың кәмелетке толмағандар екені анықталды. Заң бойынша кәмелетке толмағандар қылмыстық жауапкершілікке тартылмайтындықтан олардың ата-анасына қатысты әкімшілік жаза қарастыралады. Балалар есепке алынады", - дейді департаменттің баспасөз қызметі.

Естеріңізге сала кетейік, Ақтауда 9-сынып оқушысы мектеп дәретханасындағы төбелестен кейін ауруханаға түсті.

Жасөспірімнің жағы сынған, ми гематомасы диагнозы қойылды, жағдайы ауыр. 

Оқушының анасы Бибігүл Жонабаева баласы таңертең мектепке әдеттегідей кеткенін жеткізді. Біраз уақыттан соң ұлы соққыға жығылғанын айтып хабарласқан. 

"Сабақ үстінде өзге сыныптың бірнеше баласы шақырған. Олар бұған дейін де ақша талап еткен. Ол сыныптан асханаға баруға қорыққан. Төлеуден бас тартқан кезде соққыға жыққан. Дені сау баланы мектепке жібердік. Енді кім жауап береді?", - деді әйел. 

Оқи отырыңыз: 

Жаңалықтар
0