Елорда тынысы

Нұр-Сұлтанда әкімдік қызметкерлері мен инспекторлар екі қоқиқазды таба алмай жүр

Нұр-Сұлтанда екі қоқиқазды іздеп жатыр - Sputnik Қазақстан, 1920, 05.11.2021
Жазылу
Құрылыс алаңында істейін жұмысшы құстардың Кіші Талдыкөл көліне қарай ұшып кеткенін айтқан

НҰР-СҰЛТАН, 5 қараша – Sputnik. Нұр-Сұлтан әкімдігінің қызметкерлері мен инспекторлар екі қоқиқазды іздеп жатыр, деп хабарлайды экология, геология және табиғи ресурстар министрлігінің баспасөз қызметі.

4 қарашада әлеуметтік желіде елордада "Шығыс" тұрғын үй кешенінің (Жасыл квартал ауданы) құрылыс алаңында екі қоқиқаз жүргені туралы видео тарады.

Ауа райын ескеріп, орман шаруашылығы және жануарлар дүниесі комитеті Ақмола облысының аумақтық инспекциясына құстарды құтқаруды тапсырды.

"Оқиға орнына жеткен инспекторлар қоқиқаздарды таба алмады. Құрылыс алаңында істейтін жұмысшының айтуынша, құстар Кіші Талдыкөл көліне қарай ұшып кеткен", - делінген хабарламада.

Қазір инспекторлар қала әкімдігінің қызметкерлерімен бірігіп, қоқиқаздарды Кіші Талдыкөл көлінен іздеп жатыр.

Оқи отырыңыз: 

"Ғажайып деп осыны айт": Ақтауға қоқиқаздар оралды - видео

Оңтүстікке бет алған бір топ қоқиқаз жол-жөнекей Маңғыстауда демалып жатыр – видео

Нұр-Сұлтанда қоқиқаздар пайда болды

Жаңалықтар
0