Саясат

Тоқаев Президенттік жастар кадр резервінің өкілдерімен кездесті

© Официальный сайт Президента Казахстана / AMANКасым-Жомарт Токаев встретился с представителями президентского молодежного кадрового резерва
Касым-Жомарт Токаев встретился с представителями президентского молодежного кадрового резерва - Sputnik Қазақстан, 1920, 04.11.2021
Жазылу
Жастар кадр резервіне қатысудың мәні үлкен бастық болуда емес, деп есептейді Қасым-Жомарт Тоқаев

НҰР-СҰЛТАН, 4 қараша — Sputnik. Мемлекет басшысы Қасым-Жомарт Тоқаев Павлодар облысына жұмыс сапары барысында Президенттік жастар кадр резервінің осы өңірдегі өкілдерімен кездесті, деп хабарлады Ақорданың баспасөз қызметі.

Президенттік жастар кадр резервінің бірқатар өкілі, атап айтқанда, Ертіс ауданының әкімі Аян Бейсекин, "Nur Otan" партиясы облыстық филиалы төрағасының бірінші орынбасары Илья Теренченко және "Екібастұз МАЭС – 2" АҚ директорлар кеңесінің мүшесі Дамир Сүйентаев мемлекет басшысының алдында сөз сөйлеп, беріліп отырған мүмкіндік үшін алғыс айтты. Олардың айтуынша, Президенттік жастар кадр резервін құру, ауыл әкімдерін сайлау сияқты бастамалар жастарға жол ашып отыр.

Қасым-Жомарт Тоқаев жастардан өңірдегі өзекті мәселелер туралы сұрап, кадр резервінде болудың жауапкершілігін атап өтті.

"Жастар кадр резерві дегеніміз – мемлекеттің резерві. Мәселе үлкен бастық болуда емес, резерв өкілі болудың мәні – ел үшін аянбай еңбек етуде. Мемлекеттің дамуы жолында өздеріңіздей мамандар қажет. Біз бүгін осы өңірдегі және еліміздегі түйткілді мәселелерді ашық талқыладық. Соны жүзеге асыруға сіздердің көмектеріңіз қажет болады. Барлық бастамаларыңызға табыс тілеймін, – деді Қазақстан президенті.

Оқи отырыңыз:

Жаңалықтар
0