Асқабақ астық жинау науқанының аяқталуымен қатар, жын-пері мен оны үркітетін отты да білдіреді. Хэллоуиннің бұл атрибутының танымал болуына Jack-o-lanterns – асқабақтан жасалған көз, мұрын және ауыз ойықтары бар шам себепші болған.
Алғаш рет "Джек шамдары" Ирландия мен таулы Шотландияда пайда болған. Бастапқыда мұндай шамдар үшін тарна немесе шалқан қолданылды. Әулиелер күнінде үй жанына қойылған осы тектес дақыл баспананы жын-періден қорғайды деген сенім болды.
Хэллоуин кезіндегі каскадердің өліміне қатысты полиция түсініктеме берді
1835 жылы Дублин журналы (Dublin Penny Journal) "Джек шамы" атауы қайдан шыққанына түсініктеме беретін мақала жарялады. Оған сәйкес, бұл ішімдікті ұнататын Джек есімді ұста ібілісті алдаған. Ол қулығының арқасында бейқам тіршілік кешкенімен, ажал құшқан кезде не жұмаққа, не тозаққа кіре алмаған. Ол қиямет күнін күтіп, жер бетінде рух бейнесінде кезіп жүруге мәжбүр болған. Джек шайтаннан алған бір түйір көмірді асқабақ ішіне салып, әлемді шарлап жүрген көрінеді.
Алматыда Хэллоуин мерекесі кезінде "дарға асылған" адам қаза тапты
Хэллоуинді тойлау АҚШ-та кең тарала бастаған шақта шамдар тек асқабақтан дайындалды. Себебі ол арзан әрі қолжетімді материал болды. Солтүстік Америкада алғаш рет шамшырақ 1837 жылы дайындалған. 2013 жылдың қазанында Кин қаласында асқабақ фестивалінде 30581 Джек шамы жағылып, рекорд орнатылды.
Дәл осы күні АҚШ-та асқабақпен байланысты көп фестиваль мен байқау өтеді. Елдегі Гудзон алқабындағы The Great Jack O’Lantern Blaze фестиваль ең таңғажайып мерекелік іс-шара болып саналады. Мұнда асқабақтан бүтіндей бір қалашық құрастырылады.
