НҰР-СҰЛТАН, 25 қазан – Sputnik. Дубай қаласында әлемдегі ең биік шолу дөңгелегі ашылды. Аттракционның биіктігі – 250 метр, деп хабарлайды Euronews порталы.
Әлемдегі ең биік шолу дөңгелегі жасанды аралда орналасқан. Оған "Айн Дубай" - "Дубайдың көзі" деген атау берілді.
Аттракционда 48 кабина бар. Кейбір кабиналардың ішіне бар орналасқан. Тамаққа тапсырыс беру қызметі де қарастырылған. Дөңгелекке бір уақытта 1 7502 адам отыра алады.
Бір айналымға 38 минут кетеді.
