"Көктал-2" елді мекеніне көшіп келген Заманбек Әлкейұлы от жағудың машақатынан құтылғанына дән риза.
"Біз былтыр желтоқсанда көшіп келдік. Содан бері газды қолданамыз. Бұл өте ыңғайлы, әсіресе үлкен кісілерге тиімді. Отбасымыз, балаларымыз үшін де экологиялық жағынан таза, денсаулыққа пайдалы. Барлық тұрғынды газға ауысуға шақырамын, себебі ауа таза болады", - дейді Заманбек Әлкейұлы.
Айта кетері, Нұр-Сұлтанда қаланы газдандыру бойынша ауқымды жұмыстар жүргізіліп жатыр. Соңғы екі жылда қалада 645 шақырымнан астам газбен жабдықтау желілері салынды. Сол арқылы "Көктал-1", "Көктал-2", "Железнодорожный", "Агроқалашық" шағын аудандарының тұрғындары газға қосылуға мүмкіндік алды.
Президент Нұр-Сұлтан әкіміне елорданы одан әрі дамытуды тапсырды
Биыл күзде Оңтүстік-Шығыс, Промышленный, Агроқалашық елді мекендеріне газ қосылады.
Қала әкімдігінің хабарлауынша, жыл соңына дейін Күйгенжар, Мичурино, Интернациональный елді мекендерін газбен қамту жоспарланған.
"Қазақ ауыл" шағын ауданы бойынша жобалау-сметалық құжаттама әзірленіп жатыр, қаланы толық газдандыру 2023 жылы аяқталады.
