НҰР-СҰЛТАН, 12 қазан – Sputnik. 14 қазанда онлайн форматта Жоғары Еуразиялық экономикалық кеңестің отырысы өтеді. Бұл туралы президенттің баспасөз хатшысы Берік Уәли хабарлады.
"Беларусь Республикасының бастамасымен 14 қазанда Қазақстан президенті Қасым-Жомарт Тоқаевтың төрағалығымен бейнебайланыс режимінде Жоғары Еуразиялық экономикалық кеңестің отырысы өтеді", - деп жазды ол Facebook-те.
Президенттер Еуразиялық экономикалық одақ жұмысының өзекті мәселелері және ЕАЭК-ке мүше елдердің экономикалық ынтымақтастығын одан әрі дамытуды талқылайды.
Еуразиялық экономикалық одақ 2015 жылдың 1 қаңтарынан бері жұмыс істейді. Одаққа Қазақстан, Ресей, Армения, Беларусь және Қырғызстан мүше.
Оқи отырыңыз:
