НҰР-СҰЛТАН, 4 қазан — Sputnik. Швецияның Корольдік ғылым академиясы физиология және медицина саласындағы жетістіктер үшін осы жылғы алғашқы Нобель сыйлығын табыстады.
Дэвид Джулиус пен Ардем Патапутиан лауреат атанды.
"Ғалымдар температура мен жанасу рецепторларын ашқаны үшін Нобель сыйлығын алды", - деп жазылған Twitter-де.
Олар жылу, суық пен жанасу адамның жүйке жүйесіндегі сигналдарға қалай бастамашы болатынын анықтаған. Академиктердің пікірінше, анықталған ионды арналар көптеген физиологиялық процестер мен ауру күйлерін түсіну үшін аса маңызды.
Бұл білім созылмалы ауру мен бірқатар ауру күйін емдеу әдістерін әзірлеу үшін қолданылады.
Өткен жылы физиология және медицина бойынша Нобель сыйлығы С гепатитінің вирусын ашқаны үшін берілді. Марапатты Харви Альер, Майкл Хаутон мен Чарльз Райс алды.
Биыл Нобель сыйлығы 11 қазанға дейін табысталады. Физика бойынша марапат иелері 5 қазанда белгілі болса, химия бойынша – 6 қазанда, әдебиет бойынша – 7 қазанда, экономика бойынша – 11 қазанда анықталады. Әлемдік деңгейдегі Нобель сыйлығы лауреатының есімін 8 қазанда жария етеді.
Оқи отырыңыз:
- Суретші Күйіков Нобель сыйлығы туралы: бұл "Невада-Семей" қозғалысының еңбегі
- Ресей президентін Бейбітшілік үшін Нобель сыйлығына ұсынды
- Әдебиет саласындағы Нобель сыйлығы фотографтың кесірінен ешкімге бұйырмады
