НҰР-СҰЛТАН, 27 қыркүйек – Sputnik. Елбасы Нұрсұлтан Назарбаев Түркия Республикасының Ұлы Ұлттық Жиналысының спикері Мұстафа Шентоппен кездесті, деп хабарлады Elbasy.kz.
Кездесуде Қазақстанның Тұңғыш президенті Шентопқа Түркістан қаласында өтетін Түркітілдес елдердің Парламенттік ассамблеясының мерейтойлық пленарлық отырысында жемісті келіссөздер жүргізуіне тілектестігін білдірді.
Елбасы отыз жыл ішіндегі Қазақстан мен Түркия арасындағы қатынастардың даму қарқынын атап өтіп, Шентоптан Түркия Республикасының президенті Режеп Тайип Ердоғанға ізгі тілегін жеткізуді сұрады.
"Мен тәуелсіздіктің алғашқы күндерінен Қазақстан мен Түркия арасындағы ынтымақтастықты дамыту жолында жұмыс атқарып келемін. Бүгінде біздің қарым-қатынасымыз қарқынды дамып жатыр. Президент Ердоған екеуміз үнемі байланыстамыз", – деді Қазақстанның Тұңғыш президенті.
Ал Шентоп Елбасыға қонақжайлық танытқаны үшін ризашылығын білдіріп, Түркия Республикасының президенті Режеп Тайип Ердоғанның жылы лебізін жеткізді.
Оқи отырыңыз:
- Қазақстан Түркияға ұшатын әуе рейстері санын арттырады
- Қазақстан елшісі Түркияда жүрген қазақстандықтарға үндеу жасады
- Тоқаев Ердоғанға: бауырлас түрік халқына көмек көрсетуге дайынбыз
