НҰР-СҰЛТАН, 25 қыркүйек – Sputnik. Көптеген адам телефоны сынғанда емес, жаңа моделі шыққанда ауыстырады. Алайда бұл жақсы стратегия емес, әсіресе, ақша жетпесе қиын, деді "Прайм" агенттігіне Telecom daily ақпараттық-сараптамалық агенттігінің директоры Денис Кусков.
"Егер телефоныңыз кейбір қосымшаларды жүктей алмай, батереясы тез таусылып, экран күңгірт болып кетсе, смартфонды ауыстырған дұрыс", - деді маман.
Ал смартфон жұмысына шағым болмаса, басқасын алуға асықпаған жөн. Негізінен, телефон екі жылда бір рет ауыстырылады. Бұл уақытта құрылғының техникалық жағдайы әлі де жақсы күйде болады.
Сондықтан маман телефонды осыншалықты жиі алмастырмауға кеңес берді. Бұл ақша үнемдеуге де жақсы. Өйткені адамдардың дені телефоны ескіргендіктен емес, жаңа түрін қолданғысы келгендіктен ауыстырады, деп түйіндеді ол сөзін.
Оқи отырыңыз:
- "Біз не болғанын түсінбедік": Блогердің ұлы телефонның кесірінен көз жұмды
- Телефонның жұмыс істеу уақытын қалай ұзартуға болады – маман кеңесі
- Психолог адамның телефонға тәуелді екенін қалай білуге болатынын айтты
