НҰР-СҰЛТАН, 12 қыркүйек – Sputnik. Ақтөбе облысында жыл басынан бері алимент төлемей жүрген 253 борышкер әкімшілік жауапкершілікке тартылды, деп хабарлады мамандандырылған ауданаралық соттың баспасөз қызметі.
12 Қараша 2020, 07:14
Сонымен бірге 203 адам 5 тәулікке дейін қамауға алынды, қалғанына сот 10 айлық есептік көрсеткіш көлемінде айыппұл салды. Әрбір құқық бұзушының 3 айдан бірнеше жылға дейінгі қарызы бар.
"Әкелердің бірде-біреуі өз еркімен алимент төлеу бойынша ешқандай шара қолданбаған. Бұл жағдай жеке сот орындаушыларының әділет департаментіне оларды әкімшілік жауапкершілікке тарту туралы ұсыныс жіберуіне негіз болды", -деп хабарлады облыстық сот.
Құжат тексерілгеннен кейін әділет департаментінен сотқа жіберіледі. Әкімшілік құқық бұзушылық туралы кодекстің 669 -бабы бойынша әкімшілік құқық бұзушылық жөніндегі мамандандырылған ауданаралық соты қыркүйек айының өзінде 62 борышкерге әкімшілік жаза қолданды.
