НҰР-СҰЛТАН, 9 тамыз – Sputnik. Петропавлда полицейлер мен еріктілер із-түзсіз жоғалып кеткен 15 жастағы жасөспірімді іздестіріп жатыр, деп хабарлайды Polisia.kz.
Бала 8-нен 9 тамызға қараған түні жоғалған.
Белгілі болғандай, 15 жастағы Алмасхан Үсенбаев екі апта бұрын отбасымен бірге Петропавлға Нұр-Сұлтан қаласынан көшіп келген. Шухов көшесіндегі жатақханада тұрады.
Баланы іздеуге полиция басқармасы ювеналды полиция бөлімшесінің бүкіл жеке құрамы, криминалдық полиция мен еріктілер тартылды.
Тағы оқыңыз: Қызылордада полицейлер жоғалған 13 жастағы қызды тапты
Полиция жасөспірімді көрген-білгендер болса, тез арада жақын маңдағы полиция бөліміне немесе 102 нөміріне хабар беруді сұрады.
Оқиғаның мән-жайы анықталып жатыр.
