Өңірлер

Павлодарда жантүршігерлік жол апаты болды: екі адам көз жұмды

© Photo : Rico_LoebЗнак аварийной остановки на дороге
Знак аварийной остановки на дороге - Sputnik Қазақстан, 1920, 27.06.2021
Жазылу
НовостиTelegram
Зардап шеккендердің бірі комада жатыр. Жол апатына кінәлі адамға 10 жылға дейін бас бостандығынан айыру жазасы кесіледі

ПАВЛОДАР, 27 маусым – Sputnik. Павлодарда түнгі жол апаты салдарынан екі адам көз жұмды, тағы үшеуі ауыр жарақаттармен ауруханаға жеткізілді, деп хабарлады Павлодар облыстық полиция департаментінің баспасөз қызметі.

27 маусымда сағат 02.55-те Павлодар қаласындағы Астана және Исиналиев көшелерінің қиылысында Toyota Windom мен Лада Гранта" соқтығысты. Жол апаты салдарынан "Лада Гранта" көлігінің жүргізушісі мен жолаушысы сол жерде қаза болды.

Облыстық денсаулық сақтау басқармасының баспасөз хатшысы Эльмира Темірғалиеваның айтуынша, қаза болғандар – елордалық 36 жастағы әйел мен Павлодар облысында тұрған 31 жастағы ер адам.

Оқи отырыңыз: Алматы облысында жүргізуші таңданарлық жағдайда аман қалды – видео 

Жарақат алған 23 жастағы екі әйел және 25 жастағы ер адам Павлодардың №1 қалалық ауруханасына жеткізілді. Барлығы –  Павлодар тұрғыны. Әйелдердің бірі комада жатыр.

Полицияның мәліметінше, көліктер айып тұрағына қойылды. Аталған факті бойынша Қазақстан Қылмыстық кодексінің 345-бабы, 4-бөлігі бойынша сотқа дейінгі тергеу басталды. Бұл бап кінәлі адамды бес жылдан он жылға дейінгі мерзімге бас бостандығынан айыруды қарастырады.  

Жаңалықтар
0