НҰР-СҰЛТАН, 5 маусым – Sputnik. Ғалымдар коронавируспен ауырып шыққан адам Гийена – Барре синдромына шалдығуы мүмкін екенін анықтады, деп хабарлайды РИА Новости.
"Коронавирустан кейін адамның ағзасында бөлінетін антиденелер жүрек пен терінің аутоимундық ауруларын туғызатын антиденелерге ұқсайды", – дейді мақала авторларының бірі Алекс Рихтнер.
Зерттеуге сәйкес, Гийена – Барре синдромының алғашқы белгілері – аяқ пен қолдың ұйып қалуы, бұлшық еттің ауырсынуы, сондай-ақ координацияның бұзылуы. Дәл осы белгілер коронавирустың жеңіл және ауыр формасымен ауырып шыққан адамдарда анықталды.
Оқи отырыңыз: Ғалымдар коронавирустың түсін анықтады
Гийена – Барре синдромы – бұл қабынған аутоиммунды полирадикулоневропатия. Осы синдром кезінде бұлшық еттің күші сарқылып, вегетативтік бұзылу пайда болады. Сонымен қатар, адамның сезімталдылығы да төмендей бастайды.
