НҰР-СҰЛТАН, 24 мамыр — Sputnik. Ұлттық бірыңғай тестілеу ережесін бұзғаны үшін аудиториядан 287 адам шығарылды, деп хабарлады білім және ғылым министрлігі.
"Ұлттық бірыңғай тестілеу штаттық режимде өтіп жатыр. Бүгінгі таңда 87 түлек тестілеуге кіргізу кезінде аудиторияға тыйым салынған заттарды алып кіруге тырысқаны үшін ҰБТ тапсыру мүмкіндігінен айырылды. Тестілеу ережесін бұзғаны үшін аудиториядан 287 адам шығарылып, олардың тестілеу нәтижелері жойылды", – деді БҒМ Ұлттық тестілеу орталығының директоры Дидар Смағұлов.
Тестілеуге кіргізу кезінде 8 түлектің дене қызуы көтеріліп, бұл түлектер ҰБТ-ны басқа күні бөлек тапсырады.
Естеріңізге сала кетейік, биыл түлектердің ҰБТ-ны екі рет тапсыру мүмкіндігі бар. Олардың ішіндегі нәтижесі ең жоғары сертификатпен мемлекеттік білім беру грантын тағайындау конкурсына қатысуға болады.
