НҰР-СҰЛТАН, 21 мамыр – Sputnik. Қазақстан президенті Қасым-Жомарт Тоқаевтың төрағалығымен бейнебайланыс режимінде Жоғары еуразиялық экономикалық кеңестің кезекті отырысы басталды, деп хабарлайды Sputnik Қазақстан тілшісі.
Сондай-ақ шараға ЖЕЭК жанындағы бақылаушы-мемлекет басшылары ретінде Куба президенті Мигель Диас-Канель және Өзбекстан басшысы Шавкат Мирзиёев қатысады.
Отырыс барысында ЕАЭО аясындағы ынтымақтастықтың өзекті мәселелері талқыланып, ортамерзімдік перспективаға міндеттер қаралады.
Сонымен қатар Одақтың ішкі нарығындағы кедергілерді жоюға және дағдарыстан кейінгі кезеңдегі интеграциялық өзара іс-қимылға ерекше көңіл бөлінеді.
ЖЕЭК отырысы бейнебайланыс форматында өтіп жатыр. Жиынды "Хабар 24" телеарнасы мен Қазақстан президенті баспасөз қызметінің Facebook-тегі парақшасынан көруге болады.
