Өңірлер

Оралда үшемдер Отан алдындағы борышын өтеп жүр – фото

© Photo : Талант КусайынАктауские тройняшки служат в полку Нацгвардии в Уральске
Актауские тройняшки служат в полку Нацгвардии в Уральске - Sputnik Қазақстан
Жазылу
НовостиTelegram
Отан алдындағы борышын өткеріп жүрген ақтаулық үшемдер көктемгі шақыру кезінде әскер қатарына қабылданған

НҰР-СҰЛТАН, 17 қазан – Sputnik. Ішкі істер министрлігіне қарасты ұлттық ұлан әскерінің тарихында алғаш рет ағайынды үшемдер Отан алдындағы борышын өткеріп жүр. Олар Орал қаласындағы әскери бөлімде қызмет етуде.

18 жастағы ағайынды Ақарыс, Бекарыс және Жанарыс Зеккеновтер көктемгі әскерге шақыру кезінде сарбаздар қатарына қосылған. 

© Photo : Талант КусайынАқарыс, Бекарыс және Жанарыс Зеккеновтер
Оралда үшемдер Отан алдындағы борышын өтеп жүр – фото - Sputnik Қазақстан
Ақарыс, Бекарыс және Жанарыс Зеккеновтер

Олар қазақстандық заманауи "Болашақ" академиясы колледжін "Су көлігін пайдалану" мамандығы бойынша бітірген түлектер.

Жігіттер әскери қызметке шақырту алған кезде бір-бірінен бөлмеуді өтінген. Ал әскери комиссариаттағы қызметкерлер олардың мұндай өтінішіне бей-жай қарамапты. Қазір ағайынды Зеккеновтер бір бөлімде қызмет етеді.

"Әскерде қызмет ету біздің балалық арманымыз болды. Отанды қорғау – бұл әрбір азаматтың қасиетті борышы және парызы", – дейді үшемдер.

Бір қызығы, ақтаулық үшемдердің сыртқы түрлері ғана өзара ұқсас емес. Психологиялық тест тапсыру нәтижесіне қарап, Зеккеновтер мінезінің сәйкестігіне психологтар да таңғалады. 

© Photo : Талант КусайынЗеккеновтер мінезінің сәйкестігіне психологтар да таңғалады
Оралда үшемдер Отан алдындағы борышын өтеп жүр – фото - Sputnik Қазақстан
Зеккеновтер мінезінің сәйкестігіне психологтар да таңғалады

Ал бауырластардың өздері бұған бұрыннан үйренген. Мектепте бәрінің бағалары бірдей болған. Бір ғана айырмашылық – Ақарыстың бойы ағаларына қарағанда төрт сантиметрге ұзын.

Оқи отырыңыз: Ұйқастырып қоюға тырысады: қазақтар егіздерге қандай ерекше есім таңдайды?

Әскерде жүрген жігіттер дене шынықтыруда бірдей нәтижелер көрсетеді. Өйткені олар әскерге келгенге дейін спортпен белсенді айналысқан. Бекарыс пен Ақарыс "каратэ-до" секциясынан қатысса, Жанарыс – самбо күресінен спорт шеберіне үміткер. 

© Photo : Талант КусайынЖігіттердің физикалық жаттығуларды орындауы көңіл көншітеді
Оралда үшемдер Отан алдындағы борышын өтеп жүр – фото - Sputnik Қазақстан
Жігіттердің физикалық жаттығуларды орындауы көңіл көншітеді

Қазір ағайындылар Оралдағы қоғамдық тәртіпті қорғау және қауіпсіздікті қамтамасыз ету бойынша қызмет етуде. 

© Photo : Талант КусайынЗеккеновтер жоғары заңгерлік білім алып, құқық қорғау органдарында жұмыс істеуді жоспарлап отыр
Оралда үшемдер Отан алдындағы борышын өтеп жүр – фото - Sputnik Қазақстан
Зеккеновтер жоғары заңгерлік білім алып, құқық қорғау органдарында жұмыс істеуді жоспарлап отыр

Әскерден кейін ағайынды Зеккеновтер туған жері Ақтауға барып, жоғары заңгерлік білім алуды және құқық қорғау органдарында жұмыс істеуді жоспарлап отыр.

Айта кетейік, бұған дейін Sputnik Қазақстан егіз Қасымхановтардың өмірі мен қызметі туралы жазған болатын: 23 жастағы Ербол мен Ерлан астаналық полиция бөлімінде учаскелік полиция қызметкері болып жұмыс істейді.

Жаңалықтар
0