Қоғам

Атырау облысында көліктер өртеніп жатыр – министр себебін айтты

© Sputnik / СтрингерVolkswagen Transporter полностью сгорела
Volkswagen Transporter полностью сгорела - Sputnik Қазақстан
Жазылу
Министр газбен жүретін көліктерді жабық автотұрақтарға қоюға болмайтынын еске салды. Өйткені, көгілдір отын тұтанса көлік қана емес, ғимарат та бұзылуы мүмкін

НҰР-СҰЛТАН, 12 қазан – Sputnik. Төтенше жағдайлар министрі Юрий Ильин Атырау облысында көліктердің неден өртеніп жатқанын айтты, деп хабарлайды Sputnik Қазақстан.

"Негізі, бүгінде Атырау облысынан басқа жерлерде автокөлік құралдарының тұтану жағдайлары төмендеп келеді. Ал бұл облыста 19 проценттік өсім тіркеліп отыр. Бәлкім, мұндай жағдай газбен жүретін көліктерді кеңінен пайдалануға да байланысты шығар", – деді Ильин орталық коммуникациялар қызметінде өткен онлайн брифингте.

Осы орайда министр газбен жүретін көліктерді жабық автотұрақтарға қоюға болмайтынын да еске салды.

Себебі, кей кезде автомобильге орнатылған құрал-жабдықтар техникалық талаптарға сай болмай жатады. Ондайда газдың шығып кету қаупі бар. Ал көгілдір отын тұтанса, көлік қана емес, тұрғын үй немесе әкімшілік ғимарат та бұзылуы мүмкін.

Оқи отырыңыз: Комиссия шешімі өзгерді: Атырауда дәрігерлер шағымынан соң өтемақы төленетін болды

"Сондай-ақ, өңірде көліктердің жиі тұтануына қозғалтқышты дұрыс жылытпау немесе ашық отты пайдалану сияқты әрекеттер де себеп болуы мүмкін", – деп атап көрсетті Ильин.

Жаңалықтар
0