Журналист әрі философ Владимир Лепехиннің айтуынша, "ресейлік оқырмандар" Джульетто Кьезаның тұлғалық ауқымын қайтыс болғаннан кейін ғана білді. Ол өткен ғасырдың 80-жылдарынан бастап Александр Зиновьевпен жақын достасты, деп жазады РИА Новости колумнисі Ольга Зиновьева.
Ал бұл достық олардың өмірінде кездейсоқ эпизод болған жоқ. Оларды Ресей мен Еуропа өркениетінің тағдырына деген ортақ алаңдаушылық жақындастыра түсті.
Кьеза Ресейге жиі келіп, теледидар арқылы сөйлеп, елдегі және әлемдегі жағдайды соншалықты толық сипаттап жүрді. Сондықтан ол шын мәнінде ресейлік саяси және журналистік пейзаждың ажырамас бөлігіне айналды. Мен үшін Джульетто Кьеза – Эрнест Хемингуэйдің аналогы, әрине журналистикада. Бұл жерде әңгіме оның әлемдік даңқы туралы емес, тіпті оның шығармашылық дарыны да туралы емес. Мен ұқсастықты, ең алдымен, осы екі тұлғаның дүниетанымдық тұтастығы мен өмірлік ұстанымынан көремін.
Хемингуэй өмір бойы белсенді және барлық ұлы соғыстың ерікті қатысушысы болды. Бірінші дүниежүзілік соғысқа, Испаниядағы фашистерге қарсы соғысқа және Екінші дүниежүзілік соғысқа қатысқан ол әрқашан өз шығармаларында ерекше адами қасиеттерді көрсете отырып, қатал анти-нацизмге қарсы тұрды.
Джульетто Кьезаның журналистика мен саясат және аналитика саласындағы позициясы ешқашан жағдаяттық болған емес. Кьеза Александр Зиновьевпен бірге қолындағы фактілер арқылы 2001 жылдың 11 қыркүйектегі Нью-Йорк оқиғасының ресми түсіндірмесіне күмән тудырған алғашқылардың бірі болған еді.
Соңғы жылдары Джульетто Кьеза әрдайым дәйекті анти-глобалист болды. 2014 жылы Киевте батыс арнайы қызметтері қолдаған төңкерісті ұйымдастырғаннан кейін бүкіл Еуропа Ресейге қару алып, экономикалық санкциялар жариялаған кезде, ол бұған бой алдырмай, Мәскеуді қолдаған санаулы еуропалық журналистердің бірі болды.
Соңғы бірнеше жыл ішінде Кьеза еуропалық оқырман мен телекөрермендерге заманауи жаһандық капитализмнің қылмыстық сипатын кәсіби тұрғыда ұғындыра білді. Сондай-ақ, 75 жыл бұрын нацизмді жеңген және бүгінде нео-нацизмге қарсы тұрған Ресей қатысты әділетсіз көзқарасты төзімділікпен түсіндірді.
Италиялық журналистті Кремльге немесе қазіргі орыс элитасына деген ерекше жанашырлығы үшін айыптауға болмайды. Керісінше, Кьеза көптеген ресейлік шенеуніктер мен олигархтарды сынап, оларды биліктің ұлтаралық аппаратының бөлігі деп санайды. Ол жоғары мәдениет пен сапалы білім және шынайы демократия үшін күресті басқарып, итальян, орыс және басқа халықтардың жағында болды.
Джульетто Кьеза сияқты әлемдік журналистикада күшейіп жатқан цензура мен әлемге жаңа сандық тәртіп орнатуға деген көлеңкелі қылмыстық кландардың құлшынысына қарсы тұрғандар аз. Осы мақсатта ол "МегаЧип" халықаралық антиклобалистік қауымдастығын басқарды.
2016 жылы Джульетто "Россия сегодня" ХАА "Зиновьевский" клубының халықаралық мүшелігіне кіруге шақыруымызды ризашылықпен қабылдады. Кьезаның айтуынша, Клубтың мақсаты "Ресейдің әлемде әділ имиджін құру" болғандықтан және бұл мақсат кез-келген адал адам мен журналистің басты сенімі болуы тиіс ұғым, әсіресе италиялық интернационалист-журналистің идеяларымен толық сәйкес келгендіктен, ол осы жұмысқа қатысуды ұйғарды. Джульетто Кьезаның жоғары әділеттілік сезімі оның дүниетанымын қалыптастырудың негізі болды және ең алдымен, оны білген және бағалаған адамдар үшін қымбат болатын.
