Қоғам

"10-15 теңгеге де аспауы керек": Сапарбаев әлеуметтік көмек кімдерге төленбейтінін айтты

© Sputnik / Владислав ВодневБердібек Сапарбаев
Бердібек Сапарбаев - Sputnik Қазақстан
Жазылу
НовостиTelegram
Жан басына шаққандағы кіріс 20 789 теңгеден 10-15 теңгеге ғана асып кетсе, бұл отбасы тұрмысы нашар отбасылар қатарына кірмейді

АСТАНА, 5 наурыз – Sputnik. Адам басына шаққандағы кіріс ең төменгі күнкөріс деңгейінің 70 процентінен, яғни 20 789 теңгеден сәл ғана асып кетсе, бұл отбасы тұрмысы нашар отбасы санатына кірмейді. Себебі тәртіп сондай. Бұл туралы еңбек және халықты әлеуметтік қорғау министрі Бердібек Сапарбаев мәлімдеді, деп хабарлайды Sputnik Қазақстан тілшісі.

Купюры номиналом 500, 1000, 2000 тенге, иллюстративное фото - Sputnik Қазақстан
Қоғам
Әр балаға 21 мың теңге қашаннан бастап төленетіні белгілі болды

Үкімет үйінде өткен баспасөз мәслихатында журналистер еңбек және халықты әлеуметтік қорғау министрі Бердібек Сапарбаевтан атаулы әлеуметтік көмек туралы сұрады.

"Отбасының жан басына шаққандағы кірісі 20 789 теңгеден 10-15 теңгеге асып кетсе, бұл азаматтар тұрмысы нашар отбасы санатына кірмей қала ма?", - деп сұрақ қойды БАҚ өкілі.

Әр балаға 21 мың теңге жәрдемақы қалай төленеді?

Министр бәрі заңға сәйкес жүзеге асатынын айтты.

"Кірмей қалады, себебі тәртіп солай. Солай деп белгіленген. 20 789 теңге, одан аспау керек. Ал егер асып кетсе, төленбейді", - деп қысқа қайырды Сапарбаев.

Айта кетсек, Қазақстан президентінің тапсырмасына сәйкес, осы жылдың 1 шілдесінен бастап атаулы әлеуметтік көмек критерийі ең төменгі күнкөріс деңгейінің 70 процентіне дейін көтеріледі. Яғни, 14 мың 849 теңгеден 20 мың 789 теңгеге дейін, ең төменгі күнкөріс деңгейі – 29 мың 698 теңге.

Нәтижесінде атаулы әлеуметтік көмекпен қамтылатындар саны қазіргі 570 мыңнан 830 мың азаматқа дейін көбеймек.

Қазақстандағы көпбалалы отбасылар - толық мәлімет

Жаңалықтар
0