АСТАНА, 6 қаңтар — Sputnik. Батыс CBSsports телеарнасының порталы өзінің материалында қазақстандық Геннадий Головкин мен мексикалық Сауль "Канело" Альварестің үшінші жекпе-жегі өтуі үшін басты шарт қандай екенін жазды, деп хабарлайды Sports.kz.
"Үшінші жекпе-жек телевидение саласында сұранысқа ие тәуелсіз агент Головкин Альварес секілді DAZN компаниясымен келісімшарт жасасса ғана өтуі мүмкін. Мексикалық жұлдыз карьерасында 11 жекпе-жек пен 365 миллионға күтпеген келісімшарт жасасқан еді", — деп жазылған материалда.
Естеріңізге сала кетсек, Сауль Альварес қазақстандық Геннадий Головкиннің екі мәрте қарсыласы болды. Олар бірінші жекпе-жекте төрешілер шешімімен тең түсті, ал реванш кезінде төрешілердің көпшілігі жеңісті "Канелоға" берді.
Тағы оқыңыз: Головкин бес жылда алғаш рет антирекорд орнатты
DAZN спорт трансляцияларының видео сервисі 2016 жылы құрылды. Ол рay-per-view ақылы спорт трансляциялары нарығынан НВО мен Showtime арналарын ығыстырмақ. Бұл өз кезегінде боксшыларға өздері қалаған арнамен ұтымды келісімшарт жасасуға мүмкіндік береді. Әдетте ақылы телеарналар спортшылар үшін тиімсіз шарттар ұсынады.
