Қоғам

БҚО-да туған ағасына қатты ұқсайтын жігіт шекарашыларды алдап кетпек болды

© Sputnik / Евгений Биятов / Фотобанкке өтуПаспорт, архивтегі фото
Паспорт, архивтегі фото - Sputnik Қазақстан
Жазылу
Yandex newsTelegram
Ресейге ағасының паспортымен өтіп бара жатқан 1985 жылы туған азамат ұсталды. Құжат оның өзінен екі жас үлкен бауырына тиесілі екені анықталды

АСТАНА, 4 желтоқсан — Sputnik. Батыс Қазақстан облысында бөтен адамның паспортымен жүрген қазақстандық ұсталды, деп хабарлады ҚР ҰҚК ШҚ баспасөз қызметі. 

чемодан - Sputnik Қазақстан
Әлем
Шекарада сүйіктісін чемоданға салып өтпек болған ер адам ұсталды

"Батыс шекарадағы Орал шекара отрядына қарасты "Сырым-авто" өткізу бөлімшесінде шекарашылар Ресейге қарай жекеменшік "Мерседес" автокөлігімен өтіп бара жатқан қазақстандықты ұстады. Ол тексеруге ұсынған паспорттағы сурет бір қарағанда дәл өзінікі сияқты көрінгенімен, шекарашылардың қырағылығының арқасында құжаттың бөтен адамға тиесілі екені анықталды", — деп жазылған хабарламада. 

Тексеру кезінде паспорт 1985 жылы туған азаматтың өзінен екі жас үлкен туған ағасына тиесілі екені белгілі болды. Шекарашылардың қырағылығын "тексерген" азамат Қазақстан Республикасы Қылмыстық кодексінің 392-бабы 1-бөлігі бойынша жазаға тартылады.     

Жаңалықтар
0