АСТАНА, 3 желтоқсан — Sputnik. Беларусьте алты адамның өліміне қатысы бар "қара риэлторлар" Семен Бережной мен Игорь Гершанковқа өлім жазасы орындалды, деп хабарлайды МК.
Могилев облыстық соты Бережной мен Гершанковты 2017 жылдың шілдесінде өлім жазасына кескен. Оларға алты адамды өлтірді, алаяқтық жасап, адам ұрлады және басқа да қылмыстар жасады деген айып тағылып, кінәлі деп танылды. Кейбір тұрғындарға арақ немесе клофелин препаратын күштеп ішкізіп, тірідей көміп тастаған.
Сот үкімі ату арқылы орындалды.
Топтың тағы екі мүшесі – Татьяна Гершанкова мен Борис Колесников 24 және 22 жылға бас бостандығынан айырылды. Жалпы алғанда, қылмыстық топ тұрғын үйге қатысты айла-шарғыдан теңгеге шаққанда шамамен 34 миллион теңге кіріс келтірген.
Қазақстанда биылдан бастап химиялық кастрация қолданылады
Айта кетейік, Беларусь – Еуропада және ТМД елдерінде өлім жазасы қолданылатын жалғыз ел. Ең қатаң жаза тек 18 жастан 65 жасқа дейінгі ер адамдарға қолданылуы мүмкін.
