АСТАНА, 27 қараша — Sputnik. Қытайда 25 қараша күні Ганьсу провинциясының солтүстік-батысынан құмды дауыл өтті.
Биіктігі 100 метрге жеткен құйын сағатына 61 км жылдамдықпен қозғалып, 5 минуттың ішінде бүкіл Миньлэ уезін жауып қалды, деп жазды ЭКД интернет басылымы.
Құмды боран Гоби шөлінен шығып, жергілікті тұрғындарды бас сауғалауға мәжбүр етті, ал жолдың нашар көрінуі жүргізушілерді адастырып, патрульдер мен өрт сөндірушілердің жұмысын қиындатты.
"Таңертең күн ашық болды, ал түске қарай бүкіл қаламызды жүз метрлік құм басып қалды", — деп түсіндірді жергілікті тұрғын.
Ресейліктер нөсер жауыннан кейін қорқынышты видео жариялап жатыр
Кешке қарай Цзяюйгуань, Цзюцюань, Чжанъе, Цзиньчан және Увэй қалаларында ауа сапасының индексі "өте қауіпті" деңгейге жетті, бұл ластанудың ең жоғары дәрежесін көрсетеді. Дүйсенбі күні Қытайдың астанасын қою түтін басып, тұрғындар бет-аузын қорғаныс маскаларымен тұмшалауға мәжбүр болды. Сонымен қатар, құмды дауыл Ганьсудан Бейжіңге келеді деп болжанып отыр.
