Қоғам

Денис Теннің өліміне күдіктілерді қамауда ұстау мерзімі ұзартылды

© Sputnik / Тимур БатыршинКісен
Кісен - Sputnik Қазақстан
Жазылу
Сот Денис Теннің өліміне күдікті үш тұлғаны қамауға алу мерзімін 15 күнге ұзартты

АЛМАТЫ, 19 қараша — Sputnik. Сот Денис Теннің өліміне күдіктілерді қамауда ұстау мерзімін 15 күнге ұзартты, деп хабарлайды Алматы қалалық сотының баспасөз қызметі.

Денис Тен қайтыс болғаннан кейін медальмен марапатталды - Sputnik Қазақстан
Қоғам
Министр Денис Тенді марапаттау жайлы: Қолымнан келгені осы

Алматы қаласы мамандандырылған ауданаралық тергеу сотының қаулысымен бұлтартпау шарасы ретінде Нұрлы Қиясовты қамауда ұстау мерзімі 3 желтоқсанға дейін, Арман Құдайбергеновты — 4 желтоқсанға дейін, Жанар Толыбаеваны — 7 желтоқсанға дейін ұзартылды.

Естеріңізге сала кетсек, бұған дейін бұлтартпау шарасының мерзімі 22 қазаннан 6 қарашаға дейін ұзартылған болатын.

Танымал қазақстандық мәнерлеп сырғанаушы Денис Тен 19 шілдеде Алматы қаласының орталық көшелерінің бірінде кісі қолынан ажал құшты. Ол көлігінің айнасын ұрлағалы жатқандарды тоқтатамын деп пышақ жарақатын алған. Спортшы ауыр хәлде ауруханаға жеткізілгенімен, көп қан жоғалтқандықтан, дәрігерлер оның өміріне араша түсе алмады. Мәнерлеп сырғанаушының өліміне күдікті ретінде 24 жастағы Нұралы Қиясов пен Арман Құдайбергенов ұсталды. Ал Жанар Толыбаева кісі өлтіру туралы хабар бермегені үшін күдікке ілінді.

Жаңалықтар
0