АСТАНА, 5 қараша – Sputnik. Ташкенттің Шайхантахур ауданында күйеуіне ренжіген әйел оның пәтеріне ұрыларды жібергені әшкере болды.
Өзбекстан астанасы ішкі істер бас басқармасының баспасөз қызметі хабарлағандай, әйел күйеуімен жанжалдасып қалып, ата-анасының үйіне көшіп кеткен. Дегенмен, сүйіктісінен өш алу үшін ол адам жалдап, күйеуінің пәтері мен сейфінің кілтін берген.
Ұрылар жалпы алғанда 23 мың доллар және 10 миллион сум ұрлап әкеткен.
Осы факті бойынша Өзбекстан Республикасы Қылмыстық кодексінің 169-бабы 4-тармағы (ұрлық) бойынша қылмыстық іс қозғалды, деп жазды Sputnik Өзбекстан.
