АСТАНА, 14 қазан — Sputnik. Жамбыл, Ақмола, Қостанай және Қызылорда облыстарында желдің күшеюіне байланысты дабылды ескерту жарияланды, деп хабарлайды Sputnik Қазақстан.
Синоптиктердің болжамынша, 15 қазан күндіз, 16 қазан түнде Жамбыл облысының кей жерлерінде оңтүстік-батыс, батыстан жылдамдығы 15-20 м/с жел соғады, екпіні 23-28 м/с дейін барады. Аймақтың оңтүстік-батысында 30м/с дейін күшейеді деп болжануда.
Дәл осы күндері Тараз қаласында да қатты жел соғады, екпіні 23-28 м/с дейін барады.
15-16 қазан күндері Ақмола облысының кейбір аймақтарында тұман түсіп, көктайғақ болады, солтүстік-шығыстан 15-20 м/с жел соғады.
Астанада тұман түсіп, көктайғақ болады деп ескертті синоптиктер.
Қызылорда облысында 15-16 қазан күндері 15-20 м/с жылдамдықпен жел соғады. 15-17 қазанда – тұман, көктайғақ.
Қостанай облысында да тұман, көктайғақ, күндіз солтүстік-шығыстан соғатын желдің жылдамдығы 15-20 м/с дейін жетеді.
