АСТАНА, 28 қыркүйек — Sputnik. Қарағандыда көлік ішінде отырған қарияны көрмей оны айдап әкеткен азамат 6 жылға бас бостандығынан айырылды. 24 жастағы қала тұрғыны бөтелкелесін пышақтап қашып бара жатқан. Осы кезде оталып тұрған көлікті көріп, оны ойланбастан мініп кеткен.
Көліктің артқы орындығында көлік иесінің 80 жастағы анасы отырған. Ішімдікке мас болған күдікті салондағы қарияның айғайынан шошып, көлікті жол шетіндегі ағашқа соққан. Кейуана артқы орындыққа жатып алғандықтан зиян көрмеген. Ал оқиға болған жерден тәлтіректеп қашқан күдіктінің аяқ киімі шешіліп қалған, деп хабарлайды КТК арнасы.
Ол сары аязда алысқа ұзай алмай қолға түсті. Енді қылмыскер сот шешімімен, талқандалған көлік үшін 11 миллион, ал пышақтаған досына 800 мың теңге өтемақы төлеуі тиіс.
