АСТАНА, 15 қыркүйек — Sputnik. Монреаль университетінің ғалымдары түнде жұмыс істейтін әйелдердің сүт безі рагына шалдығу қаупі жоғары екенін анықтады. Бұл туралы MedicalXpress таратқан баспасөз хабарламасында жазылды.
Зерттеу жұмысына Австралия, Канада, Франция, Германия және Испания елдерінен 13 мың әйел қатысты. Олардың орташа жасы — 55-59, 6,1 мыңы сүт безі рагына шалдыққан. Осы респонденттер арасында сауалнама жүргізіліп, олардың қауіпті ауруға шалдығуының себебі анықталды.
Нәтижесінде әйелдердің рак ауруына шалдығуы олардың түнгі уақытта жұмыс істегендерімен байланысты екені айтылды. Түнгі он екіден кейін 3 сағат жұмыс істеген әйелдердің рак ауруына шалдығу қаупі 12% болған. Ал аптасына үш рет күнделікті 10 сағаттан артық жұмыс істегендердің бұл ауруға шалдығу қаупі 80% артқан.
Ғалымдар сүттің ешкім күтпеген пайдасы туралы айтты
Мамандар әйел адам түнімен жұмыс істегенде олардың циркад ритмдері бұзылатынын айтады. Кейін осының салдарынан ісікке қарсы тұратын мелатонин гормоны аз бөлінеді.
