АСТАНА, 30 тамыз — Sputnik. Қазақстандық боксшы Геннадий GGG Головкин мен мексикалық Сауль "Канело" Альварестің көптен күткен қарымта кездесуі Qazaqstan және Qazsport арналарында, сондай-ақ Qazaqstan TV мобильді қосымшасында тікелей эфирде көрсетіледі.
Кездесу Лас-Вегаста 15 қыркүйекте немесе Астана уақытымен 16 қыркүйекте өтеді.
Былғары қолғап шеберлері WBA (Super), IBO және IBF титулдары үшін және орташа салмақ дәрежесінде чемпион атағы мен The Ring журналының чемпиондық белбеуі үшін таласады.
Головкин кәсіпқой рингтегі 38 жекпе-жегінің біреуін ғана теңбе-тең аяқтаған, ал 33 кездесуде қарсыласын нокаутқа түсірген.
Ал Канелода – 49 жеңіс, 1 жеңіліс және бір рет теңбе-тең түскен. 34 жекпе-жекте қарсыласын нокаутпен жеңді.
