Өңірлер

27 жастағы әйел әжетханада босанып, баласын шелекке тастап кеткен

© Photo : bingngu93Нәресте, архивтегі фото
Нәресте, архивтегі фото - Sputnik Қазақстан
Жазылу
НовостиTelegram
Жас келіншек жүктілігін жасырып, жаңа туған баласын әжетханаға тастап кетті

АСТАНА, 13 тамыз — Sputnik. Қостанай облысының Затобол елді мекеніндегі ауруханада науқастарды қабылдау бөлімінің пациенті әжетханаға кетіп, сол жерде босанып қалған. Жүктілігін жасырып жүрген әйел нәрестені шелекке тастай салыпты. 

Баланың иллюстративті фотосы - Sputnik Қазақстан
Оқиға
Шымкентте белгісіз біреу баланы полиция бөліміне тастап кетті

alau.kz порталы хабарлағандай, ішім ауырды деген 27 жастағы әйел ауруханаға жеткізілген. Дәрігерлер одан анализ тапсыруды өтініп, әжетханаға жіберген. Біраз уақыттан кейін ол әжетханадан шыққан, алайда дәрігерлер әйелдің іс-әрекетінен күдіктеніп қалады. Нәтижесінде әжетхана шелегінен жаңа туған нәрестені тауып алған.    

"Әйел әжетханаға кетіп, сонда босанған. Нәрестені шелекке тастай салған. Дәрігерлердің қырағылығының арқасында баланың өмірі құтқарылды. Оған барлық қажетті көмек көрсетілді ", — деді Қостанай облыстық ауруханасының бас дәрігері Юрий Моисеев. 

Оның айтуынша, әйел мен бала Қостанай облыстық ауруханасына жеткізілген. Олардың өміріне еш қауіп төніп тұрған жоқ. 

Жаңа туған баланы қауіпті жағдайда қалдыру дерегі бойынша сотқа дейінгі тергеу жүргізіліп жатыр.  

Жаңалықтар
0