АСТАНА, 22 шілде — Sputnik. Қостанайда жоғалып кеткен 18 жастағы қыз өлі табылды, деп хабарлайды alau.kz Қостанай облысы ішкі істер департаментіне сілтеме жасай отырып.
Бұқаралық ақпарат құралдарының хабарлауынша, үйінен Үлкен көпір жаққа қарай жүгіруге шыққан бойжеткен жоғалып кеткен. Еріктілер оны іздестіру жұмыстарын ұйымдастырады.
Кейін із-түзсіз жоғалып кеткен Затобольск тұрғынының денесі Қостанайдан Затобольск жаққа қарай шығар жердегі ағаш ішінен табылды.
Қазіргі уақытта қажетті шұғыл тергеу шаралары қолға алынды.
Бойжеткеннің өлімі бойынша қылмыстық кодекстің 99- бабы "Адам өлтіру" бойынша сотқа дейінгі тергеу басталды.
