АСТАНА, 21 шілде — Sputnik. АҚШ-тың Техас университеті ғалымдары тіс пастасында және косметикада кездесетін E171 титан дикосиді қант диабетінің екінші типін тудыруы мүмкін екенін анықтады. Олардың зерттеуі Chemical Research in Toxicology журналында жарияланды, деп хабарлайды РИА Новости.
Ғалымдар атап өткендей, химиялық зат әртүрлі нәрселерге аппақ түс беретін қасиетіне байланысты тамақ өндірісі мен косметологияда жиі қолданылады. Осы уақытқа дейін адам ағзасына зиянсыз болып саналған.
E171 қасиеті жайында XX ғасырдың ортасында белгілі болды, сол кезде ол қорғасынның негізінде жасалған қауіпті бояғыштарды бірден алмастырды, ал 1970-ші жылдары жаппай қолданысқа енді. Сол уақыттан бастап, ғалымдардың айтуынша, қант диабетінің екінші типіне шалдыққандар саны төрт есе артқан. Сөйтіп, бұл химиялық заттың диабетке қатысы бар деген пайымдау айтылды.
Көп жұмыс істейтін әйелдер қандай дертке шалдығуы мүмкін?
Ғалымдар бұл болжамдарын дәлелдеу мақсатында, 11 еріктіден ұйқы безінің ұлпаларынан сынама алады. Нәтижесінде сегіз адамның талдауынан титан диоксиді табылыпты, олардың бәрі қант диабетінің екінші типімен ауырады екен, қалған үшеуі сап-сау болып шықты, олардың талдауынан химиялық зат табылмады.
Осылайша, зерттеушілер титан диоксиді екінші типті қант диабетін қоздырушы заттардың бірі болуы мүмкін деген қорытынды жасады. Енді ғалымдар адамдардың ірі тобында дәл осындай зерттеу жүргізгісі келеді.
Екінші типті қант диабеті — ұлпалардың инсулинге сезімталдығының төмендеуі салдарынан пайда болатын ауру түрі. Қазір әлемде 422 миллионнан астам адам диабетке шалдыққан, олардың 90 пайызында екінші типті қант диабеті.
