АСТАНА, 17 шілде – Sputnik. "Қазгидромет" РМК республиканың бес өңірінде дабылды ескерту жариялады, деп хабарлайды Sputnik Қазақстан.
Синоптиктердің болжамынша, 18 шілде күні түнде Ақтөбе облысының кей жерлерінде нөсер жаңбыр жауады, онтүстік-шығыстан соққан желдің екпіні 18 м/с дейін жетеді. Кей жерлерде найзағай ойнайды.
Ақтобе қаласында оқта-текте жауын жауып, найзағай жарқылдайды.
Жасөспірімге найзағай түсіп, қаза тапты
18-20 шілде күндері Жамбыл облысында сынап бағанасы 38°С дейін көтеріледі.
Сондай-ақ, 18 шілдеде Қызылорда облысының басым бөлігінде 42°С градус ыстық болады деп болжануда. Таңертең және күндіз кей жерлерде жылдамдығы 15-20 м/с жел соғып, шаңды дауыл көтеріледі.
ШКүндіз 18 шілдеде Қостанай облысының кейбір аймағында найзағай ойнап, жел күшейеді. Күн 36 градусқа дейін ысиды.
